6 В класстыҥ ӱренчиктери алтай литератураныҥ урогында Г.И. Чорос-Гуркинниҥ «Алтай ла Кадын» деп ӱлгер кептӱ куучынын кычырып, танышкандар.

Кӱчӱрген айдыҥ 21 кӱнинде 6 В класстыҥ ӱренчиктери алтай литератураныҥ урогында Г.И. Чорос-Гуркинниҥ «Алтай ла Кадын» деп ӱлгер кептӱ куучынын кычырып, танышкандар.

Бу урокто солун этире Григорий Иванович jаҥыс ла ады-jарлу jурукчы, бичиичи, jондык ишчи эмес, jе онойдо ок этнограф болгоны керегинде ӱренчиктерди сонуркадып гимназияныҥ башкараачызы Н.О. Тадышева «Г.И. Чорос-Гуркинниҥ этнографиялык jуруктары» деп лекция-куучын öткӱрди.

Наталья Олеговна, Г.И. Чорос-Гуркинниҥ этнографиялык jуруктары эмдиги öйдö алтай калыктыҥ эрjине байлыгы, оныҥ jураган jуруктарында улустыҥ тыш бӱдӱминде, кийген кеп-кийиминде, jарангыштарында, айыл-jуртында сӱрекей байлык билим jетирӱлер бар болгонын куучындап, ӱренчиктердиҥ энчикпей берген сурактарына каруу jандырды.

Бу туштажуныҥ кийнинде jарлу jурукчыныҥ jуруктарын ойтодоҥ «башка кöслö» лаптап кöрöрис деп, бир кезек ӱренчиктер темдектеди. Бир канча балдарга гимназияныҥ башкараачызы тӱӱки билимдердиҥ кандидады болгоны ачылта ла оморкоду болды.